Transcription
1
Monseigneur, vous ayans tenu adverty de la deliberation prinse dimenche dernier sur le faict des
2
Emprumptz, nous avons seulement à vous donner advertissement de la lettre receue de
3
monsieur de Chatelard dattée du XIXme de ce mois par laquelle nous escript comme
4
monsieur le prince daulphin estoit departy de ce jour de la cour, ou pour le moings avoit
5
prins congé du roy comme escript par aultre lettre quil se acheminoit en ce païs avec intention
6
de ne sejourner en sa maison de St Fargeau, portant pour tous moiens davoir argent ung
7
eedict pour vendre du domaine du roy sur lequel na esté faict aulcune enchère jusques à
8
la somme de Lm [50 000] livres. La mesme lettre contient aussi que messieurs de St Sulpice et de Villeroy
9
sont depechés pour aller en Languedoc pour esperance de la paix. Au surplus, monseigneur,
10
vous estes des long temps adverty de la prise de monsieur lauditeur Faure, nonobstant
11
tout son passeport du sieur des Didières et combien que ne feut esté depeché à
12
notre instance et poursuite aux montaignes. Aussi ne luy heussions baillhé advis
13
de prendre aultre chemin que par le bourg d’Oysens. Toutesfois pour se y estre emploié
14
pour les affaires du païs puis le commencement de ces guerres, fit pour estre personnaige
15
de qualité, vous supplions voulloir continuer votre bonne volunté en son endroict
16
et que icelle ne luy demeure infructueuse, dautant que monsieur de Gap ne veult
17
consentir à lelargissement des deux quil tient prisonniers, sinon en payant deux
18
centz escus, à laquelle despence fauldra par consequence que ledit sieur Faure entre.
19
Cest une requete que nous vous faysons que lelargissement de tous soit par
20
fit à ce sommes asseurés que ledit sieur de Gap saccordera sil vous plaict luy
21
en escripre. Sur ce, vous ayantz presenté noz très humbles recommandations, nous
22
prions Dieu,
23
monseigneur, vous donner en très bonne santé longue vie. De Grenoble a
24
ce dernier mars 1574.
25
Vostre très humbles et obeyssans serviteurs
26
les commis des estatz de Daulphiné
27
Brun [paraphe] pour le secretaire ne
28
sestant peu signer
29
pour sa maladie